Kúluvarparinn Erna Sóley Gunnarsdóttir opnaði innanhússtímabilið frábærlega þegar hún sigraði á Houston Invitational mótinu nú um helgina. Erna kastaði lengst 17,34m og bætti eigið Íslandsmet um 39cm. Erna átti frábæra kastseríu og kastaði alls fjórum sinnum yfir gamla metinu sem hún setti fyrir tæpum tveimur árum (16,95m). Erna, sem keppir fyrir Rice háskólann í bandarísku NCAA háskóladeildinni, kastaði einnig lengra en tæplega ársgamalt Íslandsmet hennar í kúluvarpi utanhúss (17,29m).
Erna er því fyrsta íslenska konan sem kastar yfir 17m í kúluvarpi innanhúss. Erna skipar nú jafnframt efstu tíu sætin yfir bestan árangur íslenskra kvenna í kúluvarpi innanhúss frá upphafi. Hinn fjölhæfi kastari og Íslandsmethafinn í spjótkasti, Ásdís Hjálmsdóttir, sem átti Íslandsmetið á undan Ernu, skipar ellefta sætið með 16,18m.
| Nafn | Árangur | Dagsetning | |
| 1 | Erna Sóley Gunnarsdóttir | 17,34m | 27.01.2023 |
| 2 | Erna Sóley Gunnarsdóttir | 16,95m | 21.02.2021 |
| 3 | Erna Sóley Gunnarsdóttir | 16,90m | 22.01.2022 |
| 4 | Erna Sóley Gunnarsdóttir | 16,79m | 20.02.2022 |
| 5 | Erna Sóley Gunnarsdóttir | 16,75m | 11.02.2022 |
| 6 | Erna Sóley Gunnarsdóttir | 16,70m | 27.02.2022 |
| 7 | Erna Sóley Gunnarsdóttir | 16,57m | 13.12.2021 |
| 8 | Erna Sóley Gunnarsdóttir | 16,46m | 08.01.2022 |
| 9 | Erna Sóley Gunnarsdóttir | 16,31m | 05.02.2022 |
| 10 | Erna Sóley Gunnarsdóttir | 16,19m | 17.01.2020 |
